Сауатты болашақ-ұрпағымыздың жалғасы. Сауаттылықты дамыту, қолдану жолында осы кезге дейін біршама жаңашыл технологияларды қолданып келдік. Ол жас ұрпаққа оң нәтижесін беріп келді, десе де, әлі де іздену, талқылау үстіндеміз. Себебі, біз сауатты сөйлеу, сауатты жазу, сауатты оқу, сауатты пайымдау, ойымызды ашық, нақты жеткізу арқылы алдыңғы қатардағы елдермен иық тіресе аламыз. PISA халықаралық оқушылардың функционалдық оқу-сауаттылығын арттыру курсын оқып, оны өз сабағымда қолдану мақсатында 9-сыныпта диктант жұмысын жүргіздім. Диктанттың мәтінін Адай-Ата кесенесінің тарихын оқушылар санасына жеткізу мақсатында «Адай-Атаның төбесінде көкбөрі неге тұр » деп қойдым. Диктантты оқушылар топқа бөлініп,өздері орындады. Бірінші топтың бір оқушысы шығып ауелі тақтадағы диктанттың бірінші сөйлемін оқып, есінде сақтап алып, Сыныпқа қарап, баяндап айтып береді де, оқушылар жазып болған соң, өзі орына барып жазып алады. Келесі оқушы да дәл солай жалғастырып,диктантты аяқтайды. Сауаты төмен оқушылар егер ұзақ сөйлем болса, екеуден шығып, алдыңғы үш сөйлемді бірі, екінші оқушы кейінгі үш сөйлемді бөліп айтады. Бағалау кезінде бірінің жұмысымен бірі ауыстырып алдып, тексеріп,бағалайды. Бұл сабақ қолданысымда жақсы нәтиже берді, себебі балалар жан-жақты жұмыс жасады. Ойлау, есте сақтау сияқты қабілеттері іске қосылу арқылы сауатты жазуға да бейімделді.