Тильде сёзлер озьара ве чевредюнья иле чокътарафлы, чешитли багъларда булунып, лексик системаны тешкиль этелер. Тильдеки сёзлер теркиби турмадан денъише, тильде бар олгъан сёзлернинъ сайысы белли олмайып, бир де бир тильде сёзлернинъ сайысы тек къарарнен косьтериле. Лексик системанынъ элементлери – сёзлер чевредюнья иле къарышыкълы багъларда булунаракъ, озьара багълылыкъ я косьтерелер, я косьтермейлер.

Ишимизнинъ актуаллиги.Къырымтатар тилинде сёзлернинъ догъру ве кочьме маналары меселесине даир япкъан тедкъикъий ишлер лексикология саасында олгъан бошлукъны толдурмакъ ичюн менбадыр. Чюнки бизим куньлермизде бу мевзу пек актуаль ве оны эр вакъыт даа терен огренмеге керек.