Осы шебер-класты өткізгенде мұғалімдердің оқушылардың жас ерекшеліктеріне сәйкес оқыту мәселелері туралы ойлануын, танымдық дағдыларын қалыптастыру жолдарын іздеуге команда болып жетуге ықпал етуді мақсат еттім. Бағдарлама идеясы бойынша оқушылардың жас ерекшеліктеріне сәйкес оқыту мен оқу туралы теорияны меңгеру үшін «Концептуальды дөңгелек» әдісі бойынша тақырыпқа қатысты жеті сектор: метасана, оқытудағы гуманистік тәсіл, әлеуметтік-жағдаяттық тәсіл, бихевиористикалық тәсіл, танымдық тәсіл, ұқсастық бойынша ой жүгірту, моральдік пайымдау беріліп, жұптық әңгімелесу жүргізіледі. Мұғалімдер бір-біріне осы секторлар тақырыптарына сай сұрақтар қойып, жұптық әңгімелесу арқылы жауап алады. Бұл әдісті қолдану мұғалімдердің тақырып бойынша теориялық білімі қай сектор бойынша жетік және керісінше жетіспейтінін анықтауға көмектеседі.