Білімділік: Оқушыларға Шығыс Еуропа жазығы туралы толық мағлұмат беру. Дамытушылық: Шығыс Еуропа жазығының Қазақстанға енетін бөлігінің географиялық орны, ежелгі платформа екендігі, ондағы пайдалы қазбалардың орналасу заңдылықтары, қазіргі жер бедерінің қалыптасуына етуші күштер, климатының ерекшеліктері, ішкі суы, табиғат белдемдері , оны қорғау жөнінде білім беру. Тәрбиелік: Оқушыларға Шығыс Еуропа жазығын және жазықта жатқан ірі өзендері, көлдерін картадан таба білуге үйрету. Шығыс Еуропа жазығы - Жер шарындағы аса ірі жазықтардың бірі. Қазақстанға Шығыс Еуропа жазығының оңтүстік-шығыс бөлігі енеді. Жазықтың казақстандық бөлігі Мұғалжар және Үстіртпен, оңтүстігінде Маңкыстаумен шектеседі. Республика аумағындағы  Жалпы Сырт кыраты, Каспий маңы ойпаты және Орал алды (Жем) үстірті осы аймақтың құрамына енеді. Бұл аймақ геологиялық дамуы мен тектоникалық құрылымы жөнінен ежелгі  Шығыс Еуропа платформасының оңтүстік-шығыс бөлігі болып табылады.