Çĕр çинче кашни çыннăн, палах, хăйĕн амăшĕ пур. Вăл сана çуратнă, хĕвел çутине кăтартнă, пурнăç çулĕ çине тăратнă. Анне вăл – чи çывăх çын, хĕвел ăшши, чăн-чăн юрату, сана çуратакан, упракан, пулăшакан. Пĕтĕмлетсе каласан, анне – пурнăç тыткăчи.Пĕчĕкренех вăл пире йывăр самантсенче пулăшса пырать, хăйĕн ăшшипе çупăрласа упрать, çутипе чунри «хура пĕлĕтсене» хăваласа ярать. Эсĕ йăнăш турăн пулсан та, вăл сана яланах каçарĕ, ăнланĕ. Çавна май хĕрарăмсен уявĕ тĕлне Аслă Чементи вăтам шкулта вĕренекенсем хушшинче  «Ытарайми анне сăнарĕ» ятпа чăвашла çырнă сочиненисен конкурсĕ иртрĕ. Ертсе пыраканĕ чăваш чĕлхипе литература вĕрентекенĕ Селиверстрова Э.И. пулчĕ.