Сабақтың мақсаты: «Физика және астрономия-табиғат туралы ғылымдар. Заттың құрлысы. Қозғалыс. Масса және күш» тарауы бойынша негізгі ұғымдарды бекіту; оқушылардың пәнге деген танымдылық қызығушылығын дамыту және ойлау қабілетін арттыру.   Сабақ барысы   Ойын тәртібі   Ойынға сегіз оқушы қатысады, сынып ішінен ойыншыларды іріктеп алу үшін физикалық құбылыстарға байланысты сұрақ қойылады. Сол сұраққа жауап берген оқушы ойынға шақырылады. Ойын үстелінде нөмірмен белгіленген (1,2,3,4,5,6) таяқшалар жатады. Әр турда сұрақтар беріледі. Дұрыс жауапты көрсету үшін ойыншы сұрақ нөміріне сәйкес таяқшаны көтеру керек. Дұрыс жауап берген оқушыға бір жұлдызша беріледі. Әр тур сайын жұлдызшалар саналып отырады.жұлдызшасы аз оқушы ойыннан шығады. Ақтық ойында екі оқушы сайысқа түседі. Ойын соңында жеңімпаз жұлдызды сөзін сөйлейді.