0қушылардың туған өлкемізге деген сүйіспеншілігін ояту, өз халқын, тілін, туған жерін сүюге бағалап, мақтан етуге баулу: ұлтымыздың тарихынан және ұлтымыздың мақтанышына айналған тарландарын құрметтеу: отанды сүюге, желтоқсандықтарға әрдайым құрмет көрсетуге, адамгершілікке, әділеттілікке, ел мен жердің қадір қасиетін ұғынуға тәрбиелеу.   Сахналық көрініс: әдеби музыкалық монтаж, тарихи дәйектемелер, ән, слайд «желтоқсан ызғары» арқылы өтеді.  Мұғалім: құрметті ата-аналар, ұстаздар, оқушылар, бүгін біз еліміздің сан мың жылдар бойы армандаған сол жолда ғасырлар бойы найзаның ұшымен ерлеріміздің ерен ісімен кешегі дүниені дүр сілкендірген желтоқсан оқиғасымен келген тарихымызда алтын әріптермен жазылып қалатын тәуелсіздік егемендік күні мерекесіне арналған.  «Тәуелсіздік-ел тұғыры» атты тәрбие сағатымызды сіздердің назарларыңызға ұсынамыз.  «Түбін білмеген - тексіз» дейтұғын қазақтың  Ғажап сөзі осындайда шықса керек.  Себебі, төуелсіздіктің түп тамыры  Сонау бабалар арманынан туындап жатқан жоқ па?