бұл шағын естелікте сырға толы Торғай даласының құпиаларын зерттеп қайитқаннан кейінгі ой толғаныс берілген. Торғай даласы талай тарихты өткерген, не бір хикметтер мен тағдырларлды басынан кешкен, тарихи орындары мен сырлы даласы адамды өзіне еріксіз баурап алары хақ. Қыркүйек айының жанға жайлы, тіршілік атаулыға шүлен шұғыласын төккен тағы бір таңы арайлап атты. Күннің қабағын түйіп қатуланбай тұруы біздің бұл күнгі экспедицияға шығыуымыздың тамаша бір орайы болып табылды. Арқалық қалалық « Жас ұлан » балалар орталығының ұйымдастыруымен 20 қыркүйек Қайыңды ауылына ат басын бұрған жайымыз бар.  Басты мақсатымыз қатпар – қатпар тарих қойнауынан біздің заманымызға жеткен құпия да сырлы тарих қалдықтарын барлау, келешекте жас жеткіншектердің өткен тарихты білуі мен ұғынуына жол сілтеу.