3 нче сыйныф өчен тәкъдим ителгән әлеге презентациянең максаты булып  сүз ясалышының төрләрен өйрәнү тора. Дәреснең темасын укучылар табышмаклар ярдәмендә үзләре китереп чыгаралар. Табышмакларның җавапларыннан сүз ясалышын билгелиләр. Ике төрле ясалышка да: сүз ясагыч кушымчалар ярдәмендә һәм ике тамыр бергә кушылып ясалган төргә дә мисаллар китерәләр. Рус теле белән чагыштырып карыйлар. Тәрбияви максат булып табигатьне саклау тора. Кызыл китапка кертелгән хайван һәм үсемлекләр турында фикер алышына, табигатьне сакларга кирәклеге искәртелә.