Тугызынчы май.

-         Шомырт, кемне яратасың,

Кем өчен чәчәк аттың?

-         Ямьле язгы ай өчен,

Яз бәйрәме – Май өчен!

-         Бик матур итеп шулай,

Ник җырлыйсың син, тургай?

-         Олылап язгы айны,

Котлап Тугызынчы майны!

Кайсы җөмләне ничек укырга кирәклеген аның мәгънәсенә һәм тыныш билгесенә карап беләбез.

Җөмләнең әйтелү максаты буенча түбәндәге төрләре була: хикәя җөмлә, сорау җөмлә, өндәү (боеру) җөмлә, тойгылы җөмлә.

Шул төрләргә карап, җөмлә ахырында  тыныш билгесе куела.

Тыныч тавыш белән хәбәр ителгән җөмлә хикәя җөмлә дип атала. Хикәя җөмлә ахырына нокта (.) куела.