Мақсаты: Оқушыларға проекция туралы білім беру, орталық және параллель проекциялау әдісін үйрету, сызба сызу дағдыларын арттыруға, сұрақтарға жауап іздеуге, бір-бірінің пікіріне құрметпен қарауға мүмкіндік туғызу.

Күтілетін нәтиже: 1. Бірлесіп ойларын ортаға сала алады;

2. Сұрақтарға еркін жауап бере алады;

3.Мысалдар және сызбалар арқылы проекция туралы түсінік алады.

Сабақтың түрі: СТО, ой қозғау стратегиясы

Әдістері:сұрақ-жауап,

Құрал-жабдықтар:оқулық, тақта, сызба құралдары, жұмыс дәптері, суреттер.

Сабақ барысы

І. Қызығушылықты ояту

Алма мен қағаз аламыз. Алмадан қағазға көлеңке түседі. Міне, қағаздағы фигура (көлеңке) – проекция, ал процестің өзі – проекциялау. «Проекция»-латын сөзі, ол «алға лақтыру» деген мағынаны білдіреді.

ІІ Мағынаны тану

Проекциялаудыңтөрт түрі бар: орталық, параллель, аксонометриялық және тікбұрыштап проекциялау. Егер нәрсенің кескінін салуға көмектесетін проекциялаушы сәулелер бір нүктеден шықса, мұндай проекция орталық проекциялау деп аталады.Орталық проекциялаудың қасиеттері:

1.нүктенің проекциясы нүкте болады;

2.түзудің проекциясы түзу болады;

3.фигуралардың өзара тиесілі проекциялау кезінде бұзылмайды.

Практикада жиі қолданылатын орталық проекциялаудың түрінің бірі параллель проекциялау.

Егер проекциялаушы сәулелер өзара параллель болса, параллель проекциялау деп атайды. Параллель проекциялаудың екі түрі бар: қиғашбұрыштап проекциялау және тікбұрыштап проекциялау.

Проекциялаушы сәулелер проекция жазықтығына перпендикуляр болса, проекциялауды тікбұрыштап проекциялау дейді.