Ежелден ата-бабамыз «Бала бауыр етім» деп келер ұрпақты ниеті таза, жаны пәк, адамгершілік мұраты жоғары болып өскенін армандағаны белгілі. Сол арманы қазір де жалғасын табуда. Әр баланың адамгершілік тұрпатын қалыптастыруда отбасының да, мектептің де атқарар ролі зор.  Сондықтан бірінші кезекте тәрбиелі, саналы тұлғаны қалыптастыру – мектептің отбасымен бірге бірінші кезектегі міндеті. Оқушының ниеті таза,  жаны пәк, инабатты, тәрбиелі болыа қалыптасуы өзін-өзі тани білгенде ғана жүзеге аспақшы. Осы орайда 2010-2011оқу жылында басқа қалалық мектептермен қатар № 27 жалпы орта білім беретін мектепте де Сара Алпысқызының авторлығымен енгізілген «Өзін-өзі тану» пәні жүргізіліп жатыр.

Пәннің негізгі мақматы – мақсаты адамның қоршаған ортаны біліп, өзінің ішкі жан дүниесіне үңіліп, өзін-өзі басқару негізінде адамгершілік – рухани әлеуметті көтеру. Алдыға қойылған мақсатқажету үшін, ең алдымен, ата – аналар, оқушылар, мұғалімдер ұжымы арасында пәннің негізгі мазмұнымен таныстыру жұмыстары жүзеге асып, пәнді жүргізетін ұстаздар біліктілігін жоғарлату курсынан өткізіліп, дайындық шаралары іске асты.