Бұл материалда оқушыларға технология сабақтарында немесе үйірме жұмыстарында тықыр гобеленнің технологиясын үйретуге арналған оқу гобеленінің  станогы  ұсынылып отыр.  Станокты 30х30 см немесе 52х32 см өлшемде  жасап алуға болады. Мұндай көлемде жасалған станок студенттерге, оқушыларға тасымалдауға ыңғайлы. Станокка арналған  ағаш материалына – брусты пайдалануға болады. Оның  жуандығы  5х2,5 см, 6х3см  болып келетін түрлері бар. Сонымен қатар 8 самарез, скоба, 100 шақты кішкене шеге (№2)  және аяқ киім тігуге арналған капрон немесе мақта жіп қажет болады. шегелер шахмат түрінде немесе 4 жолға зигзаг немесе ирек пішінде қағылады.