Мақсаты: 2015- Қазақстан халқы ассамблеясының жылының ашылуына орай түсініктерін кеңейту, халықтар арасындағы достықты нығайту, осы мақсатта әр сынып оқушыларының достық қарым-қатынастарын жалғастыру, Қазақстанның өркендеуіне достық арқылы өз үлестерін қосуға баулу. Мемлекет басшысы Нұрсұлтан Назарбаев 1992 жылы Қазақстан халқы Ассамблеясын құру туралы идеясын жарияласа, құтты мекенге тұрақтылықтың тамырын жайғызатын, бірлікке сызат түсірмеуді көздейтін Қазақстан халқы Ассамблеясын 1995 жылдың 1 наурызында құрды. 2015 жыл Қазақстан халқы Ассамблеясының жылы деп жарияланды. Сонымен қатар 2015 жыл Астана Бейбітшілік пен Келісім қаласы атты ұранмен өтеді. Бұл туралы Президент Нұрсұлтан Назарбаев Қазақстан халқы Ассамблеясының 21 сессиясында мәлімдеді.