Тәрбие сағатының тақырыбы: «Ғасыр індеттері»

Мақсаты: Оқушыларды салауатты өмір сүруге және жас ұрпақты зиянды  заттардан аулақ  болуға үйрету, денсаулық адам баласының азбас қазынасы, асқан байлығы, өмірінің тірегі екендігін түсіндіру.

Тәрбиелік мәні:

1. Оқушыларға денсаулыққа зиянды әрекеттер туралы кең мағлұмат беру.
2. Шылымқорлық пен нашақорлықтың адам өміріне  әкелетін зиянын түсіндіру.
3. Зиянды әрекеттерден сақтану жолдарын қарастырып,  салауаттылыққа тәрбиелеу.

Көрнекілігі: «Ғасыр індеттері» салынған буклет, нақыл сөздер жазылған плакаттар, «Денсаулық» журналдары.

Сабақтың барысы:

Денсаулық-адамның ең қасиетті де, құнды қайталанбас, жоғалса қайта орны толмас асыл қазынасы. Біз осы жаңа ғасырдан күтер үмітіміз көп. Тірі ағзаға тиер экологиялық 3 фактордың әсері осы таңда айтпаса да көзге түскен сүйелдей болып көрініп тұрғаны анық.

Елбасымыздың Н.Ә.Назарбаевтың «Қазақстан-2030» бағдарламасында Қазақстан азаматтарының денсаулығы, білімі мен әл ауқатына баса назар аударылып ерекше аталып өтілгені біздің азаматтарымыздың ертеңі бүгіннен басталатынын көрсетсе керек. Ішімдік нашақорлық, шылымқорлық-адамның жауы. Бұл жолдан аулақ жүру керек. Басты байлық денсаулық екеніне сіздердің көздеріңізді жеткізгіміз келеді.

Кейбір жағдайлар ішінде бізге түсінбеушілік тудыратын, яғни адам ағзасын азғындайтын зиянды әрекеттер бар. Бұл қандай әрекеттер?