Мақсаты: 1Оқушыларды бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

Көрнекілігі: Суреттер, ұрандар, қима көгершіндер, гүлдер, ұлттық киімдер.

Барысы: Әнұран айтылады.

Кіріспе сөз.

Қазақстанда тұратын жүздн астам ұлт өкілдері тату-тәтті тұрады. Мамыр достық мерекесі. Бұл-еңбекшілердің халықтық мейрамы, бүкіл дүние жүзі жұмысшыларының ынтымақ күні. Қазақстан халқының бірлігіне арналған 2 сынып оқушылары дайындаған «Ынтымағы жарасқан ел» атты тәрбие сағатын тамашалауға шақырамыз.

Балалар әр ұлттың киімдерін киіп, қолдарына гүл шоқтарын ұстап шерумен ортаға шығады.

1-оқушы: Ә.Саят

Мамыр- Қазақстан халықтарының бірлігі күні. Бүкілхалықтық мейрам. Кең байтақ Отанымызда ынтымағы жарасқанижүзден астам ұлт пен ұлыс өкілдері мекендейді.

2-оқушы: Назерке

Міне, мерекелі мамыр айы да келіп қалды. Мамыр айы - ерекше ай. Ендеше, достым, себебін айтшы.

3-оқушы: Құрмет

Халқымыздың тынымсыз еңбегінің арқасында ел еңсесі көтеріліп келеді. Сондықтан достық мерекесі бәрімізге де қастерлі күн.

4-оқушы: Балауса

Иә, біздің туған жеріміз алтын бесігіміз. Қазақстан кең байтақ.Бір шетінен екінші шетіне жету үшін құс қанаты талады.

Ән: Әрқашан күн сөнбесін.

5-оқушы: Мейірхан

Қазақстанда тұратын барлық ұлттар еліміздің ашық аспаны мен көкшіл туының астында бейбіт өмір кешіп жатыр. Қазақстанның ынтымақ бірлігі үшін біз шаттанамыз.