Эдебият дерси        7 сыныф

Дерснинъ мевзусы: Номан Челеби¬джиханнынъ фаалиети.

Макъсат:

-Талебелерни Н.Челебиджиханнынъ балалыкъ ве осьмюрлик йылларынен таныштырмакъ,

-Ант эткенмен шиирини талиль этмек.

-Миллетчилик дуйгъуларыны ашламакъ;

Донатма: Н.Челебиджиханнынъ сурети, дерслик, гимн.

Дерснинъ кетишаты

I. Тешкилий къысым: селямлашув, невбетчининъ рапорты.

1. Эв вазифесини сорав.

2. Номан Челеби-джихан  ве онынъ фаалиети акъкъында умумий малюмат бермек, къырымтатар халкъы ичюн нелер япкъаны акъкъында балаларгъа икяе этмек.

3. Къырымтатар миллий гимнини динълев.

4. Субет кечирюв:

- Балалар не ичюн биз бу йырны аякъ устюнде динълеймиз?

-  Гимн бу недир?

5.Шиирни сыныфта балаларнен окъув.

Ант эткенмен, миллетимнинъ ярасыны сармагъа,

Насыл олсун бу заваллы къардашларым чюрюсин?

Онлар ичюн окюнмесем, къайгъырмасам, яшасам,

Юрегимде къара къанлар къайнамасын, къурусын!

Ант эткенмен, шу къарангъы юрткъа шавле сепмеге,

Насыл олсун эки къардаш бир-бирини корьмесин?

Буны корип бувсанмасам, мугъаймасам, янмасам,

Козьлеримден акъкъан яшлар дерья-денъиз къан олсун!

Ант эткенмен, сёз бергенмен миллет ичюн ольмеге,

Билип, корип миллетимнинъ козь яшыны сильмеге.

Бильмей, корьмей бинъ яшасам, Къурултайлы хан олсам,

Кене бир кунь мезарджылар келир мени коммеге.

6.Шиирни окъугъан сонъ балаларгъа суаль бермек:

-Шаир неге ант эткен?

-Не ичюн халкъ ичюн ольмеге разы?

7.Джедвель боюнджа Н.Челебиджиханнынъ шахсиети  иле багълы бильгилерини пекитмек.

1.Номан Челебиджихан ким эди?

2. О къайда окъуды?

3. Тюркиеде насыл гизли джемиет тешкиль эте?

5. Къырымтатар халкъы гимнининъ сёзлерини ким язды?

8. Баалав.

Эвге вазифе.

1.Номан Челеби-Джиханнынъ фаалиети акъкъында икяе этмек.

2.»Ант эткенмен» шиирини эзберлемек.