Ана

Бәрі де, ана, бір өзіңнен басталды,

Сен деп жаздым алғаш өлең, дастанды.

Қуандым ба,

Өзің бар деп қуандым.

Жыладым ба,

Өзің жоқ деп жас тамды.

Бәрі де, ана, бір өзіңнен басталды,

Жанарыңнан көрдім алғаш дастанды.

Еркелесем бір өзіңе еркелеп, Жасқандым ба,

Тек өзіңнен жасқандым.

Қадыр  Мырзалиев 

Ана

Ардақты ана, аяулы ана, қымбаттым,

Тәтті ұйқыңды бөліп талай түн қаттың.

Өміріме нәрін берді ақ сүтің,

Кең құшағың аясындайгүл бақтың.

Мен өзіңмен қайда болсам біргемін,

Махаббатың жүрегімде жүр менің.

Күн нұрындай жадырай бір күлгенің,

Қандай жақсы ортамызда жургенің!

Ер жеткізіп елге берген баласын,

Ақылдысың,ардақтысың,данасың.

Қарайтыным қас-қабағың бір сенің,

Қайратыңнан қайта көрме, анашым!

Мұзафар  Әлімбаев.