Морфология курсында кайбер темалар бик катлаулы һәм аларны өйрәтүгә, кабатлауга вакыт та күбрәк бирелә. Мәсәлән, 6 нчы сыйныфта иң катлаулы тема дип фигыль темасын әйтергә мөмкин. Фигыль буенча барлык темалар да үтелеп беткәч, ул бөтен килеш кабатлана. Үтелгән, өйрәнелгән материал системага салына һәм укучыларның хәтерләрендә ныгытыла. Фигыль темасын гомумиләштереп кабатлау, системалаштыруга карата бер дәреснең план-конспекты үрнәген тәкъдим итәбез. Дәрес « Кем отличник булырга тели?» исеме астында уен-дәрес формасында үткәрелә.