"Описание материала:

Дәреснең темасы «Гамил Афзал иҗатында юмор һәм сатира». Максатым: укучыларда шагыйрь иҗатыны мәхәббәт тәрбияләү, аның иҗатына кызыксыну уяту. Шул максатка ирешү өчен мин аның юмор һәм сатира белән язылган шигырьләренә тукталып киттем.Бу шигырьләрне укып,укучылар белән бергә анализлау кулайрак.

Дәрестә шулай ук Г.Афзал сатирик шагыйрь гына булган икән дип уйламасыннар өчен ,аның туган ил,туган җир,тынычлык, хезмәт, яшәү мәгънәсе турында да язган әсәрләренә күзәтү ясарга кирәк.Әлбәттә аның бай мирас калдырган атаклы кешеләргә дә багышлап язуына басым ясарга кирәк. «Дөреслекне ярып салган әсәрләрнең озын гомерле булуын укучылар аңлап калырга тиеш.