Тэма ўрока ў 8 класе “Супраціўленне”, гэта 15-ы ўрок па тэме “Электрамагнітныя з’явы”. Асноўная мэта: па заканчэнні ўрока вучні павінны ведаць прычыны электрычнага супраціўлення, ад якіх фактараў залежыць супраціўленне, фізічны сэнс удзельнага супраціўлення і ўмець вызначаць супраціўленне. Яна дасягалася шляхам эксперыментальнага ўстанаўлення залежнасці супраціўлення ад даўжыні правадніка, плошчы папярочнага сячэння, роду рэчыва. Пры гэтым у вучняў развіваліся даследчыя здольнасці, фарміраваліся ўменні рабіць вывады і абагульненні выкананай работы, фарміраваліся навыкі працы ў калектыве. Вучні вучыліся выказваць свой пункт гледжання і выслухоўваць пункт гледжання аднакласніка.