Тәмле әйбер ашагач, авызга рәхәт була. Тәмле сүз ишеткәч, күңелгә рәхәт була. Ашый торгач, тәмле әйбер бетә. Ә тәмле сүз... Күпме генә тыңласаң да, күпме генә кабатласаң да, тәмле сүзнең кадере китми, рәхәте әйткән кешегә дә, ишеткән кешегә дә җитә.

Телебездә тәмле сүзләр бихисап, ләкин яшь буын үз сөйләмнәрендә әдәпле сүзләрне бик аз кулланалар.Бүгенге көндә балаларның күбесе исәнләшә дә белмәве аяныч.Көннән көн балаларның сөйләме тупас, мәгънәсез булуы актуаль проблемаларның берсе.

   Дәресебезнең максаты да рус балаларына “тәмле сүзләр”нең сөйләмдә нинди зур роль уйнавын  җиткерү,әдәпле сүзләрнең  мәгънәсен аңлап үзләштерү һәм сөйләмдә куллануга ирешү.