Сабақтың тақырыбы:  Кіріспе сабақ.  Т.Қ.Е . Қазақтың ұлттық  тағамдарының  ерекшелігі. Етті дастарқанға  тарту  реті. Еттің  тағамдық  құнарлығы.  Ет  сапасын  анықтау Мақсаты:    1.Білімділік: ұлттық тағамдардың түрлері мен жасалу  технологиясымен               таныстыру                     2. Дамытушылық: өнімдерді  дайындауда  іскерлік   ептілік дағдыларын дамыту;                     3 Тәрбиелік:   еңбек  сүйгіштікке, ұқыптылыққа, тазалыққа   тәрбиелеу. Сабақтың түрі:     дәстүрлі  сабақ Сабақтың типі:     аралас   сабақ Сабақтың әдісі:    сұрақ-жауап,  түсіндірме. Көрнекіліктер  мен құрал-жабдықтар: нұсқау  карта, суреттер. Пәнаралық байланыс: математика,   биология   Сабақ   жоспары; 1. Ұйымдастыру  кезеңі                                  2. Өткен сабақты қайталау                                  3.  Жаңа  сабақты   түсіндіру                                  4. Кіріспе   инструктажы                                   5. Сарамандық   жұмыс                                  6.  Бекіту   инструктажы                                  7.  Жұмыс  орнын   жинастыру  І. Ұйымдастыру кезеңі 1. Кабинетті,  тақтаны   сабаққа   дайындау; 2. Оқушылардың   сабаққа   қатысуын   тексеру; 3. Құрал-жабдықтар   мен   материалдарды   тарату; 5. Өткен  сабақта  жүргізілген  жұмыстарға   талдау   жасау; 6. Сабақтың   мақсаты   мен тақырыбын   айту; 7. Оқушылардың сабаққа дайындығын тексеру; ІІ. Өткен   сабақты   қайталау Тексерудің әдісі:   сұрақтар   қою  арқылы 1.7 сыныпта қандай асханалық жұмыстармен таныстыңдар? 2.  Қандай  қамыр түрлері бар? 3. Сұйық қамырдан қандай тағам әзірлеуге болады? 4. 7 сыныпта қандай кодитерлік өнім дайындадыңдар? 5. Үгілмелі қамыр қалай әзірленеді? ІІІ. Жаңа сабақ  Тамақтану мәдениеті  дегеніміз – бір қалыпты тамақтану, тағамдардың әр түрлі болуы, қай кезде және қандай мөлшерде ішіп-жей білу.      Адам тағамнан өзінің бір тәулікте жұмсайтын энергиясының мөлшеріне сай қуат алуға тиіс. Егер адам үнемі мөлшерден тыс ішіп-жесе, семіріп кетеді де, нәтижесінде қант диабетіне, атеросклерозға ұшырайды, бауырдың қызметі бұзылады, басқа да ауруларға шалдығады.      Демек, «сұлулық үшін» ішіп-жеу мөлшерден артық тамақтану емес. Алайда, тамақты аз ішіп, үнемі аш жүруге де болмайды. Бұның да қауіпті зардаптары бар. Тамақтанудың ақылға қонымды жай-жапсары  болуға тиіс. Адам денесінің тканьдары (мысалы, салмағы 70 кг тартатын) 40-45 кг судан, 16-17 кг белоктан, 7-10 кг химиялық элементтерден, 2,5-3 кг минерал тұздарынан және 0,5-0,8 кг көміртегінен тұрады.      Өмір сүрудің әр түрлі күрделі процестерін қамтамасыз ету үшін біздің организміміз жоғарыда аталған тағам түрлерін, сонымен бірге дәрумендерді т.б. биологиялық заттарды ұдайы қабылдап тұру керек. Сондықтан азық-түліктің түр-түрін жеу – адамға пайдалы, ал оның белгілі бір түрін ғана жеу зиян. Адам организміне қажетті тағамдық заттар (белоктар, майлар, көмірсулар, дәрумендер, минерал тұздар) ас қорытатын шырындардың әрекетімен тағамнан бөлініп, қанға барып араласады да, дененің барлық организміне тарайды, сөйтіп онда түрлі клетка элементтерін құруға, оларды қалпына келтіруге және адамның жұмсаған энергиясының орнын толтыруға жұмсалады. Осыдан келіп тамақтану режимін сақтау қажеттілігі туады.      Тамақтану режимі мыналарды қамтиды: тамақты қабылдау мезгілдігі, тамақ қабылдау аралығындағы үзіліс, тәуліктік рационға кіретін калорияны бөлу. Төрт мезгіл тамақтану анағұрлым тиімді болып табылады, өйткені асқазанға күш біркелкі түсіп, тамақ  шырындарының тағамды толық өңдеп шығуын қамтамасыз етеді. Тамақты күн сайын белгілі бір мезгілде қабылдау асқазан сөлін неғұрлым шұғыл бөлу рефлексін қалыптастырады. Төрт мезгіл тамақтану кезінде тәуліктік рационды бөлу күн тәртібіне және әдеттенуіне байланысты істеледі. Рационды мынадай тәртіппен бөлу анағұрлым тиімді: таңертеңгі асқа 25%, түстікке 15%, кешкі тамаққа 25%. Ақырғы тамақ қабылдау ұйқыға дейін 2 сағат бұрын болуы тиіс. Түңгі сменада жұмыс істеген кезде кешкі ас күндік рационның 30% болуы тиіс, сонымен қатар тамақты түңгі сменаның екінші жартысына қабылдау көзделеді.      Ішетін тамақтың түрін өзгертіп отыру керек, яғни белокқа бай сүт, ірімшік, балық немесе ет, дәрумендер мен минерал тұздары көп көкөністер, жемістер аса қажет. Тіпті ешқандай пайдалы заттары жоқ көкөкністер мен жемістер де (өсімдік жасушасының (клетка) қабығын құрайтын зат) ағзаға қажет-ақ, өйткені олар денеде ас қорытатын шырындардың түзілуін қамтамасыз етеді, ішектің қызметін ретке келтіреді және ағзадағы басы артық хлорестеринді сыртқа шығарып отырады.      Тамақты шамадан тыс көп ішіп-жеумен қатар, ауқаттануды тәулігіне 1-2 ретке дейін қысқарту, кешке жатарда қатты тоя тамақтану  көптеген адамдардың семіруіне апарып соғады. Себебі, ауқаттанудың арасын алшақтату мидың тамақтану  орталығын қатты қоздырып, адам ашқарақтанып, тамақты өзіне қажетті мөлшерден көп жейді. Ұйықтар алдында көп жеген тағам да зиян. Тамақтың  қорытылуы, тағам заттарының қышқылдануы күндізге қарағанда түнде азаяды. Сөйтіп, майлы тағам денеге толық сіңбей, етке айналады.