Без әледән әле террактлар, дини конфликтлар, халыклар арасында дошманлык чорында яшибез. Шунлыктан бу тема балаларны кече яшьтән толерант шәхес итеп тәрбияләүдә бик актуаль.

Политиклар, хокук сакчылары өчен толерантлык сүзе башкаларга, аның яшәү рәвешенә, карашларына, эшчәнлегенә түзеп торуны аңлата.Бу термин социаль психологиягә медицинадан килеп керә. Монда ул организмның төрле вирусларга каршы иммунитетын югалтуны аңлата. Әгәр җәмгыять өчен туры мәгънәсендә тәрҗемә итсәк кешелексезлеккә, национализмга һ.б. тискәре йогынтыларга каршы көрәшмәүче кешелек барлыкка килер иде.