Мені аспан денелері туралы мағлұматтар қатты қызықтырады. Сондықтан өз бетіммен аспан денелері соның ішінде метеориттер туралы мағлұматтарды жинақтадым. Менің жобам «Метеориттер және олардың қасиеттері» деп аталады.Жұлдызды түні аспанға қарамайтын адам сирек шығар. Сол бір шексіз кеңістікке аңсарың ауып, бөгде, бөтен әлемдердің құпиясын түсініп қоярдай, болашағыңды болжап, өткеніңді ашып көрсетердей, Жаратушының нұрлы дидарын табардай ұмсынып, емініп қарау үшін міндетті түрде аса сезімтал болу қажет емес. Қиялында сан мың құбылыс шағылысып, сан алуан жұлдыздар әлемінің сұлулығына ғашық болу - адам табиғаты.