Тема: Йорт һәм кыргый хайваннарны чагыштыру Программа эчтәлеге: Йорт һәм кыргый хайваннарны чагыштырып, яшәү шартларына җайлашуларын бәйләнешле сөйләм телендә бирә белү. Материал: «Кызыл китап«ка кергән хайваннарның рәсемнәре, дидактик уен «Нәрсәсе белән охшаган». Алдан башкарылган эш: Г.Тукайның “Кәҗә белән сарык әкиятен уку; йорт һәм кыргый хайваннар турында шигырь, хикәяләр уку, әңгәмә үткәрү; йорт һәм кыргый хайваннарның рәсемнәрен ясау. Шөгыльнең структурасы һәм методик приемнар: 1.     Кереш өлеш:  сюрприз момент, балалар белән әңгәмә. 2.     Төп өлеш: балаларга сорулар, рәсемнәр күрсәтү, физкультминут. 3.     Йомгаклау: нәтиҗә, балаларга сораулар, материалны ныгыту, мактау.                                Шөгыль барышы Тәрбияче. Балалар, мин сезгә бер кызыклы әкият сөйләмәкче булам. Бервакыт куян, бик ашыйсы килгәч, авылга яшелчә бакчасьша юнәлгән. Ләкин аның игътиба­рын читлек эчендәге йорт куяны җәлеп иткән. Ул аны бик кызганган һәм ни өчен аны читлеккә ябып куюларьш сораган. Йорт куяны, көлеп, үзенең кешеләр белән яшәве турында әйткән. Куян аның нәрсә ашап торуы белән кызыксынган. Йорт куя­ны нәрсә дип җавап бирде икән? (Балаларның җавабы) - Ә сиңа кем азык бирә соң? - дип сораган аннан йорт куяны. - Балалар, куяннар урманда нәрсә белән туена икән? (Балаларның җавабы) - Сиңа бик күңелсездер монда бер үзеңә читлек эчендә? - дигән куян. Ә йорт куяны, Актүш исемле эт белән хуҗа кызы Алиянең аның янына уйнарга килүләре турыңда әйткән. Куянньщ исе киткән. - Ничек тими соң ул сиңа? - дип сораган. Куян этнең аңа тимәве, аның әйбәт булуы, йортны саклавы турында сөйләгән Тәрбияче. Ни өчен кеше этне кулга ияләштергән? Балалар. Яхшы ис сизүе, җитезлеге, тугрылыгы өчен.