Сабақтың тақырыбы: Өзендер қайдан басталады және қайда құйылады? Мақсаты:а) білімділік: оқушыларға өзендер жайлы түсінік беру, мәтінмен жұмыс жасау; ә) дамытушылық: оқушылардың дүниетанымдылық қабілеттерін, ойлау, сөйлеу дағдыларын, пәнге деген қызығушылықтарын дамыту; б) тәрбиелік:оқушыларды сүйіспеншілікке, алғырлыққа, ізгілікке, табиғатты аялауға, оған қамқоршысы бола білуге баулу. Сабақтың түрі: аралас сабақ Әдіс-тәсілдері: баяндау, сұрақ-жауап, ой қозғау, түсіндіру Өткізу формасы: топтық Пәнаралық байланыс: тарих, қазақ әдебиеті Көрнекілігі: кеспе Сабақ барысы: І. Ұйымдастыру кезеңі а) оқушылармен сәлемдесу, түгелдеу; ә) сынып тазалығына мән беру; б) оқушыларды 3 топқа бөлу.Мұхит, Теңіз, Көл. в) назарларын сабаққа аудару. ІІ. Үй тапсырмасын сұрау ІІІ Жаңа сабақ Ой қозғау стратегиясы. Қазақстанда қандай өзендер кездеседі? Өз жерлеріңде қандай өзен бар? Өзен дегеніміз – табиғи жолмен жасалған арна арқылы ағатын су. Біздің ғаламшарымызда миллионнан астам өзендер бар болса, ал Қазақстанда 85 мың өзен бар. Бастау - өзеннің басталар жерін айтады. Әдетте өзендер басын таулардан алып көл, теңіз, мұхиттарға құяды. Өзеннің басталар жерінен құяр жеріне дейінгі аралықты өзен алабы деп атайды. Өзен аңғары - өзен алқабындағы, ұдайы ағып жатқан судың әсерінен төмен түскен жері.