" Қош келдің -Әз Наурыз!"

         1-жүргізуші:   Тыңдаңыздар, Тыңдаңыздар,

                                   Босқа қарап тұрмаңыздар,

                                   Наурыз тойы басталады.

                                   Көргендер де армандар

                                   Көрмегендер де арманда.

                                   Қызықтан тыс қалмандар!

                                   Салт-дәстүрмен жараса

                                   Қайта құрып жаңаша

                                   Жарыса өнер көрсетіп,

                                   Той тойлаймыз тамаша.

           2-жүргізуші:   Ата-салтын бабамның

                                   Алып келді Ұлыс күн

                                   Бір анадан туғандай

                                   Бір ұядан ұшқандай

                                   Бір аспанның астында.

                                   Бір дастархан басында

                                   Береке , бірлік болсын деп,

                                   Көп көжеден дәм татып

                                   Күшейтейік бірлікті

                                   Еңбек пенен тірлікті.

            Қосылып:    Тыңдаңыздар, тыңдаңыздар,

                                 Ұлыс тойы басталды

                                 Наурыз туын көтеріп

                                 Жар салайық әлемге.

                                 Көрмегендер көріңдер

                                 Естімеген естіңдер.

                                 Дабылын оның қағайық,

                                 Шақырамыз бәріңізді

                                 Ұлыстың ұлы күніне

                                                          ( музыка )

                                    ( Қыдыр ата келіп, батасын береді)

                        1-жүргізуші:  Армысыңдар , ағайын,

                                                Ағайын тілін табайын.

                        2-жүргізуші:  Бармысыңдар, бауырлар.

                                               Өкпе жоқ, бізде бауыр бар.

                       1-жүргізуші:  Есенбісіз, ұстаздар. Шаршамайтын  қыз-жаздар.

                       2-жүргізуші:  Ізетке ие інілер,

                                               Інілер ,еті тірілер.

                       1-жүргізуші: Көрермендер , аман ба?

                                              Отырған анау ойланып.

                       Қосылып:      Бәріңізге бір сәлем.

                       1-жүргізуші: Енді тойды бастайық.

                        2-жүргізуші: Екеуміз енді саспайық.

                          ( Музыка « Пай, пай қазақтың келіңдері-ай ») 

                       1-жүргізуші:  Қыз  аттанған келін боп, ақ босаға

                                                 Ақ босаға-мерейлі бақ босаға

                                                 Қасиетті халқымның дәстүріне

                                                 Куә болып жатты осы ара        

                       Осы әсем сөздер арқылы бүгін біздер Науырыз мерекемізде        

                    « Пай,Пай, шіркін, қазақтың келіндері-ай » атты сайыс өткізгелі  

                      отырмыз.« Келін түссе жолы ғой бұрынғының » дегендей ақ  

                      босағасын ақ ниетпен аттаған  қазақ  келіндерінің  жолдары  да   

                       әрдайым ақ болмақ.

2-жүргізуші: Дұрыс айтасың, мен сенімен толық келісемін. Осы күнге дейін  

                         өз жеңгелерімнің бірдей-бір оғаш қылықтарын көрмеппін.Мінезі  

                         ашық, жандары жайсаң қазақтың келіндері көбие берсін.

                     1-жүргізуші:  Ендеше бүгінгі сайысқа қатысушы жеңгелерімізді

                                            ортаға шақырамыз.

                            ( сайыскерлер ортаға музыкамен шығып, жіреби тартады )

                       2-жүргізуші:  Сайыста бақ сыналар, бап  сыналар

                                               Бас жүлдені өнерлі, тапқыр алар.

                                               Кім өнерлі, кім тапқыр, шешу қиын.

                                               Қазылар алқасы болмаса нық сыналар

                                              Сайыстың әділ бағасын беретін, қазылармен танысайық.

                                           ( Қазылар алқасымен таныстыру )

   1-жүргізуші: Алдарыңзда  әсем әнімен Дауылбай Асылзат( № 1)

 2-жүргізуші: Сайымызды бастамас бұрын сайыстың шарттарымен     

                           таныстырып өтейін. Сайыс кезеңдері:

1.      Таныстыру

2.      Үй тапсырмасы ( үйден наурыз көже дайындап келу)

3.      Жағдаятты сұрақтар

4.      Қазылар тапсырмалары

5.      Мақал-мәтелдер сайысы

6.      Өз өнерін көрсету

                                    І-бөлім. Таныстыру.

     1-жүргізуші:    Жұрт көңіліне жетсін әрбір сөздерің,

                            Көпшіліктің жеткізіңдер көздерін

                            Дәстүрімен  бүгінгі үлкен сайыстың

                            Келіндері таныстырсын өздерін.

 Таныстыру кезеңін бастаймыз. Алдарыңызда  келіндерімізді қарсы алайық...

                          Қазылар бағаларын беруге сұраймыз.

            2-жүргізуші: Сахнада Тоқмансай негізгі мектебінің  КВНшіктері,

                                    қарсы аламыз!( № 2 )

                                        ІІ-бөлім. Үй тапсырмасы.

          2-жүргізуші: Сайысты бастамас бұрын мен саған бір сұрақ қойсам  

                                 деп едім.

          1-жүргізуші: Иә, құлағым сенде.

          2-жүргізуші: Сен ұлттық тағамды, жалпы тамақты қалай  

                                 дайындайсың?

         1-жүргізуші: Жақсы дайындайтын болуым керек, себебі жеген 

                                 адамдар риза болады.Ал оны не үшін сұрадың?

         2-жүргізуші:  Себебі, біздің келесі бөлімімізде, келіндер үйден көже

                                 дайындап  алып келу керек.Жеңгелеріміздің  

                                 көжелерінен дәм тартамыз ба?

         1-жүргізуші: Тартсақ, тартайық!

( Қатысушылар дайындаған көжелерін қалай дайындағандарын айтып береді , содан кейін    

                                            әділ-қазылардан баға сұрау )