Бағдарламадағы құрастырылып , жинақталған жаттығулар мен тапсырмалар бастауыш сынып оқушының жас ерекшеліктерін ескере отырып жасалынған .Түзету-дамыту жұмыстарын ұйымдастыруға көмек ретінде жалпы білім саласындағы педагог-психологтарына арналған. Балалардың жеке басын дамыту,психикалық дамуын, даралық ерекшеліктерін,ішкі потенциалын анықтап, жан-жақты зерттеу- мектеп психологының басты міндеті болып табылады.Бастауыш сынып сатысындағы балалар арасында қарым-қатынас дағдылары қалыптаспаған, оқшауланған,гиперактивті,зейіні тұрақсыз, есте сақтау қабілеті нашар оқушылар өте жиі кездеседі. Осы аталған мәселелер Қазақстанда теориялық тұрғыдан зерттелгенімен практикалық  тұрғыда назардан тыс қалып отыр . Көптеген ,жалпыға бірдей білім беретін мектептерде жұмыс істейтін психолог мамандарды  мемлекеттік тілде қолайлы бағдарламалар болмауы кедергі тудырады .Сондықтан,ұсынып отырған материал мектеп психологтарына көптеген септігін тигізеді деген ойдамын.