""Описание материала:

"Сабақ негізінен балалардың ауызша жазбаша есептеу дағдыларын дамыту негізінде ұйымдастырылды. Психологиялық дайындық арқылы балалардың сабаққа деген қызығушылықтарын оятып, сабаққа жұмылдырдым. Өткен сабақ бойынша білімдерін деңгейлік тапсырмалар орындату арқылы тексердім. Жаңа сабақтың тақырыбы слайд шоу арқылы ашылды. Әр тапсырма слайд көрсету арқылы орындалып отырды. Сабақтың тартымды өткендігі соншы, балалар өте белсенділік танытып, сабақты жандандыра түсті.

"Балалар бұл сабақта тапсырмаларды орындаумен қатар, аңдарға көмектесу негізінде қайырымдылық пен адамгершілік қасиеттерді бойларына барынша сіңірді деп ойлаймын. Сабақтың қорытынды кезеңінде аңдардың балаларға ризашылығын білдіретін кезін өлең жолдарымен жеткіздім. Сабақтан алған білімдері Венн диаграммасы арқылы бекітілді.