Эш программасы түбәндәге документларны исәпкә алып төзелә:

1.РФның “Мәгариф турында” законы

2.ТРның “Мәгариф турында”законы

3.ТРсы Мәгариф министрлыгының 478 номерлы боерыгы.05.07.2000

4.”Рус телендә сөйләшүче балаларга татар теле укыту программасы”.Татарстан Республикасы Мәгариф министрлыгы, Казан, “Мәгариф” нәшрияты, 2003

5. “Рус телендә сөйләшүче балаларга татар әдәбиятын укыту буенча сынап карау программалары.”Татарстан Республикасы Мәгариф министрлыгы,Казан, “Мәгариф” нәшрияты,2003.

6.Хәйдәрова Р.З. Татар теле һәм уку китабы-4 сыйныф.  “Мәгариф”-2010 ел.

Рус телендә сөйләшүче балаларга татар теле буенча системалы  фәнни белем бирү, аларны ирекле аралашырга өйрәтү, татар дөньясы турында күпкырлы мәгълүмат җиткерү программаның төп максаты итеп билгеләнә.

Максатка ирешү өчен, түбәндәге бурычлар үтәлергә тиеш:

1) татар сөйләмен тыңлап аңларга күнектерү;

2) татар этикеты тәгъбирләрен кертеп,  бирелгән ситуация буенча диалогик сөйләм төзергә өйрәтү;

3) программада күрсәтелгән лексик темалар буенча телдән яки язмача монологик сөйләм оештыруга ирешү;

4) татар хәрефләрен танып, алар белдергән авазларны дөрес әйтеп, йөгерек һәм аңлап уку күнекмәләрен үстерү;