Қазақстан Республикасы Үкіметінің 2012 жылғы 23 тамыздағы №1080 қаулысыменбекітілген.Орта білім берудің мемлекеттік стандартын басшылыққа ала отырып жинақталған.

       Информатика пәнінің міндеті – оқушыларға   әрбір тақырып бойынша  тиянақты білім бере отырып, әрбір сарамандық жұмыстар көмегімен білімдерін іс жүзінде қолдана білуге дағдыландыру.8-9-сыныптарда информатика пәнін оқытуда  «программалаумен танысу» тарауының, оның ішінде «Паскаль программалау тілі» тақырыбының маңызы ерекше.Осы тақырыптарды өткен соң, сарамандық сабақтарда оқушылар компьютер көмегімен есептеулер жүргізу мүмкіндігіне ие болады.Паскаль тілін оқып үйренгенде оның алгоритмдік тілмен ұқсастығын әр уақытта баса көрсетіп, шешу жолдары алгоритмдік тілде қарастырылған есептерге осы тілде программа жазып, оны орындаған тиімді.

       Бұл жинақта алгоритм және программа туралы бастапқы түсініктер бере отырып, кейбір есептерге программа құрылып көрсетілді.

Компьютер- тапсырмаңызды орындауға дайын тұратын әмбебап есептеу жүйесі. Бірақ сіздің тапсырмаңызды орындау үшін машинаға программаны енгізу керек. Программа дегеніміз машина тіліне аударылған сіздің есеп - бұйрығыңыз, өйткені әзірше машина кәдімгі адам тілін түсіне алмайды.

       Компьютер программада көрсетілген іс-әрекеттерді орындайды. Программа қатесіз жасалу керек, белгілі ережелер сақталмаса, машина ондай программаны орындамайды.