Тақырыбы: 9 сынып оқушыларының кәсіптік бейімділігін анықтау ерекшеліктері

Мақсаты: оқушылардың нақты мамандық таңдағандығын анықтау, қандай да болмасын мамандыққа тән адам қасиеттері жөнінде ақпарат беру, мамандықтарға деген ынта- ықыласын арттыру.

 Көрнекілігі: Нақыл сөздер, схемалар, слайд.

Әдіс- тәсілдері: «Ми шабуылы», сауалнама «Мамандықтарға деген ынта-ықыласын анықтау», тренингтер.

Сабақ барысы:

І.Ұйымдастыру кезеңі: Сәлемдесу

Тренинг: Көңіл-күйімізді жаттықтыру.

1. Қабағы түйілген, ашулы адамның кейпі;

2. Қасқырдан қорыққан қоянның, иттен қорыққан баланың бет-әлпеті;

3. Жылап тұрған адамды көрсету;

4. Жай күліп түрған адамды және қатты күліп тұрған адамды көрсету;

5. Өлең айтып тұрған адамның сезімін көрсете білу.

   Қалауларың бойынша ортаға 5 оқушы шықсын

   Мамандықтың жаманы жоқ, бірақ мұның кез-келгеніне икемділік қажет, бұл тамақ асыраудың ғана жолы емес, үлкен өнерді, зор шеберлікті қажет ететін нәрсе. Кімде-кім өзінің ыңғайына қарай өз жолымен қызмет етсе, өз басына да, әлеуметке де үлкен пайда келтірмек. Өз орнында істеген адамның жұмысы да өнімді, берекелі болмақ, Ж.Аймауытов айтқандай: «Өмірде өз мақсаттарымызға жету үшін қабілетімізге қарай мамандықты таңдай білейік!»