"Асыл сөзді іздесең, Абайды оқы ерінбе..." деп Сұлтанмахмұт Торайғыров айтқандай, Абай шығармашылығы кімге де болса мың жылдық азық болары анық. Қазақ Абайымен қуанып, Абайымен мақтана алады. Абайдың әлем әдебиеттерімен таныса отырып, өз білімін әлемдік деңгейге көтере алған ақын, ойшыл, ағартушы, философ, саясаткер, көсемсөз шебері,сазгер, қазақ жазба әдебиетінің негізін қалаушы екенін білеміз. Оның шығармаларынан үйреніп, көңілге тоқып, зердемізге құямыз. Кейінгі ұрпаққа Абайды үлгі тұтып, оның ізін жалғастыруға көптеген шаралар ұйымдастырып, шәкірттікке баулимыз. Ғибратты сабақтар да коп көмегін береді.