Бу проект мәктәп һәм гаиләнең үзара эшчәнлеге проблемасын билгеләүдә төп идея булып тора. Ул түбәндәгеләрдән гыйбарәт: балаларны тәрбияләүдә төп җаваплылык ата-аналар өстендә, ә мәктәп тәрбия эшчәнлегендә булышырга, якларга, юнәлеш бирергә, тулыландырырга тиеш. Вахит урта мәктәбе  ата-аналар белән бик тыгыз элемтәдә тора. Минемчә, баланы укыту һәм тәрбияләү процессының эффектлылыгы аларның килешеп эшләүләреннән тора.  Хәзер илебездә җәмгыятьтә озак еллар буе яшәп килгән кыйммәтләр, карашлар тиз үзгәрә. Яшьләребездә гаиләгә, мәктәпкә, укуга тискәре мөнәсәбәт барлыкка килә башлады. Бу мәсьәләне хәзер  ничек хәл итәргә кирәклеген проектлар белән эшләү ярдәмгә килә. Мин проектымда шушы сорауларга җавап бирергә тырыштым. Пректның төп максаты: укытучыларның, укучыларның һәм ата-аналарның бердәм коллективын булдыру. Бурычлары: мәктәптә һәм гаиләдә тәрбия процессы белән идарә итү; мәгариф системасында гаилә тәрбиясенең социаль статусын үстерү; яңа технологияләрне кулланып ата-аналар һәм балалар белән күмәк эшләү күнекмәләре формалаштыру.