Сабақтың тақырыбы:Қайырымды бала . Г.Әзімбаева.

Күлмеңіздер  кәріге М.Дулатов

Сабақтың мақсаты:

Білімділігі:Мәтінді түсініп оқып,өмірмен байланыстыра әңгімелеу. Мәтін мазмұнындағы кейіпкер бейнесі арқылы оның идеясын ашады. Оқушыларды мәтін мазмұнын түсініп оқу,халқымыздың әдет-ғұрпына тән үлкенді құрметтеу керектігін мәтін арқылы аша түсуге мүмкіндік жасау.Мәтін мазмұнын өмірмен байланыстыра отырып,әңгімелеуге үйрету.

Дамытушылығы: Шығармашылық тапсырмалар арқылы бала қиялын,жазу мәдениетін дамиды. Оқушылардың таным белсенділігін арттыру,сөздік қорын,тіл байлығын

дамыту.

Тәрбиелілігі: Адам бойындағы жақсы қасиеттерді көре,байқай біледі. Оқушыларды сауатты оқуға  ,дұрыс  жазуға,әдептілікке,әдемілікке,

--үлкенді сыйлап,кішіге қамқор болуға баулу.Сыпайы сөйлеп,жақсы 

қасиеттерді бойына сіңіруге тәрбиелеу.

Сабақ түрі:Жаңа білімді меңгерту

Әдісі:Сұрақ-жауап,түсіндіру,әңгіме кестесі,топтастыру

Көрнекіліктер: оқулық,дәптер,қима қағаздар

Сабақ барысы:

І.Ұйымдастыру

Оқушылармен амандасу, зейіндерін сабаққа аудару, психологиялық тренинг жасау

1.Қызығушылықты ояту

А)Психологиялық дайындық.

Үлкенге де сіз,

Кішіге де сіз.

Баршаңызды құрметтеп,

Бас иеміз біз.

ІІ. Үй тапсырмасын тексеру

Үйге әжесін қайсысы жақсы көреді? Мәтінін түсінік айтуға бердім. Кім айтады? (сабақ сұралады)

ІІІ. Жаңа сабақ

-Біз бүгін сендермен ойыншық қайық туралы бір баланың басынан өткен оқиғасымен танысамыз .

-Мәтін оқығанда қандай сезімдер пайда болды?

Мәтін мазмұны бойынша идеясын ашуға берілген сұрақтар мен тапсырмаларды талдау жұмыстарын жүргізу.

-Үлкенді де ,кішіні де сыйлайтын бала қандай бала?

-Қайырымды болу үшін балаға қандай қасиеттер қажет?

-Нодардың қайырымды бала екенін қай әрекетінен байқадың?

-Нодар екінші қайық сатып алуды әкесінен неліктен «ақырын ғана» сұрады?

-Әкесі Нодардың бұл қылығына қалай қарады?

-Балалар әдептілік  дегенді қалай  түсінесіз? Слайд көрсету.

-Балалардың  пікірін тыңдау.Қорытынды 

-Сонымен әдептілікке нелер жатады екен? (топтастыру)

-үлкенді жолдан өткізу

-ағаш отырғызу

-үлкен кісіге көмектесу

-үлкендерді қуанту

-сыпайылық

-қамқорлық

Мағынаны ашу.

Мыржақып Дулатовтың «Күлмеңіздер кәріге»  атты  әңгімесімен  танысамыз.

М.Дулатовтың  өмір  жолымен  танысайық.

-қоғам қайраткері,ақын,ағартушы,педагог

-1885 жылы Қостанай облысы,Жангелдин ауданы,Қызбел деген  жерде дүниеге келген.

-1897 жылы Торғайдағы орыс-қазақ училищесіне түсіп,1902 жылы бітіріп

шығады.Одан кейін ауыл мектептерінде мұғалім болады.

-Мәтінді мұғалімнің  оқып  беруі.

-Жұптасып  тізбектеп оқуы

-Мәтінді бөліктерге бөліп,ат қою

-теріп оқу:көршілері,әкесі айтқан сөзді тап.

-Сөздікпен жұмыс.

Бас тартты – алмады

Келемеж қылу-мазақ қылу.

Үлкенді мазақ қылу қандай әдетке жатады?

-Мәтіндегі балалардың қылықтары туралы өз ойыңды айт.

-Әдептілікті адам кімдерден үйренеді? 

-Үлкен кісілерге қалай құрмет көрсетеміз?

-Балалар әдептілік туралы мақал білесіздер ме?

1.Әдепті бала кездессе,сәлем берер бас иіп,

Әдепсіз бала жолықса,өте шығар кеңкиіп.

2.Әдепті бала-арлы бала,

Әдепсіз бала-сорлы бала.

3.Әдепті  бала  ата-анасын мақтатар,

Әдепсіз бала ата-анасын қақсатар.

Сергіту сәті.

Сыйлап сәлем беремін,

Көршілерді көргенде.

Әдеппен бас иемін,

Үйге қонақ келгенде.

Әдепсіз деп сөкпесін,

Анама айтып өкпесін.

Үйге келген қонақтар,

Бізге ренжіп кетпесін.

Жағдаяттар талдау.

1.Сіз отырсыз.Үлкен қарт адам кірді.Бос орын жоқ.Не істер едіңіз?

2.Көшеде бір қарт адам құлап қалды.Сіз не істер едіңіз?

3.Сіз мектепте біреудің сөмкесін тауып алдыңыз.Не істер едіңіз?

4.Сіз дүкенде кезекте тұрсыз.Сіздің артыңызда әжей тұр.Не істер едіңіз?

5.Көшеде,үйде,мектепте таныс кісілер ,мұғалімдер кездессе,не деу керек?

6.Үлкен кісі қолындағы затын көтере алмай келе жатыр.Оған не деу керек?

Дәптермен жұмыс

1.Мәтіндегі мына сөздерді топта:мазақ қылды-келемеж қылды,кәрі-қарт,

ұялу-қызару.

 2. Нодардың қайығының суретін салып,оған ат қояды .

Бағалау.

Үйге тапсырма: «Қайырымды бала»«Күлмеңіздер кәріге» мәтінін  түсініп оқу,әңгімелеу.