Қазақ тілінен күнтізбелік-сабақ жоспары

Қазақ тілі       11 «А»  сынып         

Қазақ  тілінен күнтізбелік-сабақ жоспары

Сабақтың тақырыбы: «Қазақтың тұңғыш ғарышкерлері»

Сабақтың мақсаты:

1.Білімділік:Оқушыларға қазақтың мәртебесін көкке көтеріп жүрген, қос ғарышкер ағаларымыздың өмір тарихы туралы және ғарыш айлағы Байқоңыр туралы мәліметтер беру.

2.Дамытушылық: Оқушыларды ата-баба мұрасын жалғастырушы болуға дәріптеу.

3.Тәрбиелік: Оқушылардың ой - өрісін кеңейту, өз ойларын жетуізе білуге, ауызша сөйлеу мәдениетін дамыту.  Өз Отанын сүюге, құрметтеуге, патриоттық сезімге тәрбиелеу.

Сабақтың түрі: дәстүрлі   сабақ

Сабақтың әдіс-тәсілдері: сұрақ- жауап, түсіндіру,баяндау, жекелей, жұптық жұмыстар орындау, мәтінмен жұмыс, әңгімелесу, талдау, жинақтау, бекіту.

Сабақтың көрнекілігі:  Тоқтар Әубәкіров пен Талғат Мұсабаевтың суреттері,  слайдтар.

Пән аралық байланыс: әдебиет

Сабақтың барысы:

І. Ұйымдастыру.

Сабақты мақсатына сай ұйымдастыру.

а) Оқушылармен сәлемдесу.

ә)Оқушыларды түгендеу.

б)Сұхбаттасу.

II. Үй тапсырмасын тексеру.

Мұғалім:

- Бүгінгі таңда егемендік алып, өз алдымызға ел болашағынан кейін өз жерлеріміздегі ғарыш айлағынан өз ғарышкерлерімізді аспан әлеміне ұшыру мәселесі қолға алынды. Таңдау екі азаматқа түсті. Ғарышкерлердің өте білімді, епті, оперативті болуы шарт еді. Тәуелсіз Қазақстанның ғарыш беттерін тұңғыш ашқан Тоқтар Әубәкіров пен Талғат Мұсабаев сынды ерен ерлеріміз қазақ елінің жасампаз даңқын айдай әлемге тағы бір мәрте паш етті! Ендеше өткен сабақтарды біз сіздермен тұңғыш ғарышкерлеріміз туралы мәліметтер алған болатынбыз. Бүгінгі сабақта сол ал,ан білімдерімізді ортаға сала отырып бір-бірімізбен ой бөлісе отырайық.

• Тоқтар Оңғарбайұлы Әубәкіров - қазақтың тұңғыш ғарышкері, Кеңес Одағының Батыры (1988), Қазақстан Республикасының Халық Қаһарманы (1995), техника ғылымының докторы (1998), профессор (1997), Қорқыт Ата атындағы Қызылорда мемлекеттік университетінің құрметті профессоры. Ол 1946 жылы Қарағанды облысының Қарқаралы ауданында өмірге келген. Ресей Федерациясындағы Армавир жоғары әскери ұшқыштар училищесін (1969), авиация институтын бітірген (1979).
• 1969 -1975 жылдары Әскери-әуе күштерінде ұшқыш, звено командирі, эскадрилья командирінің орынбасары. 1976 - 1992 жылдары Мәскеудегі Тәжірибелік конструкторлық бюроның ұшқыш-сынақшысы міндеттерін атқарды. Ол реактивті ұшақтың елуден аса жаңа түрін сынақтан өткізді. 1990 жылы ғарышкерлер құрамына алынды. 1991 жылы 2 қазанда Байқоңырдан “Союз ТМ-13” кемесімен ғарышқа ұшты. Онда ол өзге ғарышкерлермен бірге биотехнология, металлургия, медицина салалары және Арал аймағы бойынша ғылыми-зерттеу жұмыстарын жүргізді.