Қазақ әдебиеті пәні арқылы оқушылар қазақ халқының өткенімен, қазіргі таңдағы жетістіктерімен танысып қана қоймай, сонымен қатар қазақ халқының тұрмысы, салт-дәстүрі, мәдениеті, тарихы, өнері туралы  да бай мәлімет алады. 9-сыныпта қазақ халқының Ежелгі дәуір әдебиеті үлгілері, Жыраулар поэзиясы туралы оқып, біліп қана қоймай, ХІХ ғасыр әдебиетінің өкілдері Шоқан мен Ыбырай, Абай, ХХ ғасыр әдебиеті өкілдерінің Отан, туған жер, туған елдің әсем табиғаты мен қарапайым еңбек адамдарының өмірі, тыныс-тіршілігі туралы туындыларымен қоса қазіргі заман ақын-жазушыларының шығармаларымен де танысады.