I бөлім
I. Ұйымдастыру бөлімі. ҚР - ның Әнұраны орындалады.
II. Тәрбие сағатының тақырыбын айтып, мақсатын хабарлау
III. Қызығушылықты ояту. Ой шақыру * Отан деген не? *Қазақстан қандай ел? *Бас қала қай қала?
1 - оқушы: Қазақстан – менің Отаным 2 - оқушы: Әлем таныған - Қазақстан 3 - оқушы: Астана - әсем қала

II бөлім. Оқушыларды топқа бөлу.
«Туым - теңдігім»
« Елтаңбам - елдігім»
«Әнұраным - айбарым»
IV. Топтық жұмыс
1 - топ. «Туым - теңдігім»
1 - оқушы: Туына байланысты елін танимыз. Жер бетінде қанша ел болса, сонша ту бар. Тудың түсінің де, жолағының да оларда бейнеленген түрлі пішіндердің де - бәрінің өзіндік мәні бар.
Біздің туымыз - көгілдір түсті тік төрт бұрышты мата. Ол бірлік пен ашық аспанды, тыныштық пен аман - есендікті көрсетеді. Бұлтсыз көк аспан барлық халықтарда әрқашанда бейбіт - шіліктің, тыныштық пен жақсылықтың нышаны болған. Геральдика тілінде көк түс және оның түрлі реңі адалдық, сенімділік, үміт сияқты адамгершілік қасиеттерге сай келеді. Ежелгі түркі тілінде «көк» сөзі аспан деген ұғымды білдіреді. Көк түс - түркі халықтары үшін қасиетті ұғым.
Нұрға малынған алтын күн тыныштық пен байлықты бейнелейді. Күн - қозғалыс даму, өсіп өркендеудің және өмірдің белгісі.
Тудың сабын бойлай ұлттық ою - өрнек салынған тік жолақ кетеді.
Күн, күн сәулесі, бүркіт және ою - өрнек алтын түстес бояумен боялған.
Қанатын жайған қыран құс - бар нәрсенің бастауындай, билік, айбындылық бейнесі. Қалықтаған бүркіт дарқандық пен қырағылықты, ой - арманның шарықтауын меңзейді. Ұлан - байтақ кеңістік -
те қалықтаған қыран ҚР - ның еркіндік сүйгіш асқақ рухын, қазақ халқының жан дүниесінің кеңдігін паш етеді.

2 - топ. « Елтаңбам - елдігім»
2 - оқушы: Елтаңба - мемлекеттің тарихи дәстүрін көрсететін және әр мемлекеттің негізгі нышандарының белгісі. Тәуелсіз мемлекеттердің бәрінің де Елтаңбасы бар. ҚР - ның Мемлекеттік Ел - таңбасы, ҚР - ның негізгі рәміздерінің бірі ҚР Президентінің «Қазақстан Республикасының Мемлекеттік рәміздері туралы»
конституциялық заң күші бар Жарлығымен белгіленеді. 1992 жылы 4 маусымда Қазақстан Республикасының Мемлекеттік Елтаңбасы қабылданды. ҚР - ның Мемлекеттік Елтаңбасының авторлары: Мәлібеков Жандарбек Мәлібекұлы мен Уәлихан Шот - Аман Ыдысұлы. ҚР - ның Мемлекеттік Елтаңбасының түсі - алтын және көгілдір түсті. Көгілдір түс аясында шаңырақ бейнеленген, оның айналасынан күн сәулесіндей тарап уықтар шашылады. Шаңырақ пен уықтар біздің Отанымызда тыныштықта жарасымды өмір сүріп жатқан көптеген халықтардың бірлігін көрсетеді. Елтаңбаның
маңызды бір бөлігі - ертегідегі қанатты тұлпар. Елтаңбаның жоғары жағындағы бес бұрышты жұлдыз - бақытты өмірге жол сілтейтін жарық жұлдыздың белгісі. Төменгі жағындағы «Қазақстан» деген жазу республиканың атын көрсетеді.

3 - топ. «Әнұраным - айбарым»
3 - оқушы: 2006 жылы 7 - қаңтарда Қазақстан Республикасының жаңа
Мемлекеттік Әнұраны қабылданды. Қазақстандықтардың жүрегіне жол тауып, өзіндік ұлттық құндылыққа айналған Ш. Қалдаяқовтың «Менің Қазақстаным» әні Қазақстан Республикасының әнұраны деп жарияланды. Кезінде Жұмекен Нәжімеденов жазған ән сөзіне Елбасы Н. Ә. Назарбаевтың бастамасымен түзетулер енгізілді.
Ел рухын көтеретін әнұран халықтың мұңы мен мұратын, қайғысы мен қуанышын, құштарлығы мен құлшынысын, қаһары мен қажыр - қайратын, шалықпас текті айбатын, шабыттана жан дүниең - мен беріле шырқайтын сұлу саз әлгі қасиетті сөздермен қосылып
айтылатын халықтың жан дауысы, құдіретті әуені.

V. Берілген әріптерден сөз құрау оны орыс тіліне аудару.
« Сөз құрау» ойыны
• Т, О, Н, А
• Е, Т, К, Е, М, П
• Е, Ж, Р
• С, А, Н, А, Т, А

VI. Үй тапсырмасы:
« Рәміздерім - мақтанышым» эссе

VII. « Ту кімге бұйырады?» ойыны
1. Сұрақ – жауап
2. Мақал - мәтелдердің жалғасын табу.
3. Қорытындылау

Сұрақ - жауап:
1. Рәміздерді ата.
2. ҚР - ның Әнұранының сөзінің авторлары кімдер?
Жауап: Н. Назарбаев, Ж. Нәжімеденов
3. ҚР - ның Мемлекеттік Елтаңбасы қашан қабылданды?
Жауап: 1992 жылы 4 маусым.
4. ҚР - ның жаңа Мемлекеттік Әнұраны қашан қабылданды?
Жауап: 2006 жылы 7 – қаңтар.
5. ҚР - ның Мемлекеттік Елтаңбасының авторлары кімдер?
Жауап: Жандарбек Мәлібеков, Уәлихан Шот - Аман Ыдырысұлы.
6. ҚР - ның Мемлекеттік Туының авторы кім?
Жауап: Шәкен Ниязбеков.