Есімдік- заттың атын, сынын, санын я олардың аттарын білдірмей, олардың орнына жұмсалатын, есімдер тобына жататын сөз табының бірі.

                                         А.Ысқақов

Есімдіктердің мағыналары

1. Мен, сен, біз, сіз есімдіктері бастауыш қызметінде жұмсалған сөйлемдер әрдайым белгілілік мәнінде жұмсалады

2. Екінші жақтық жіктеу есімдіктерімен салыстырғанда, бірінші жақ тұлғалы есімдіктер жиі түсіп қалады:

Жасымда ғылым бар деп ескермедім, 
 Пайдасын көре тұра тексермедім. 
 Ер жеткен соң түспеді уысыма 
 Қолымды мезгілінен кеш сермедім. 
 Бұл махрұм қалмағыма кім жазалы 
 Қолымды дөп сермесем, өстер ме едім. 
 Адамның бір қызығы - бала деген, 
 Баланы оқытуды жек көрмедім, - деп келетін өлең жолдарында "мен" есімдігі жасырын келгенімен, өлең жолдарының соңындағы бірінші жақ тұлғалы етістік арқылы "мен" есімдігінің мәні беріліп тұр.