«Саяжай - ауыл емес қалалық тұрғындарға жаздай жеміс-жидек егіп, күнкөрістің азық-түлікке қатысты жағдайын жақсартуға арналған маусымдық мекен. Оған біржолата қоныстанып алуға болмайды», - дейді алғы сөзінде аудан әкімі Бердәулет Ешенұлы. «Десе де, қазіргі орын алып отырған түрлі жағдайға байланысты, үкіметіміз саяжайлық тұрғындарға жол, көпір, мектеп, амбулатория, қоғамдық көлік сынды әлеуметтік мәселерді шешуді қолға алды. Қазір облыста осы саяжайлар мәселе-сімен айналысатын жұмыс тобы құрылды. Жұмыс жоспарына сәйкес саяжайлардың жерлерін, инфрақұрылымдары мен техникалық жағдайларын анықтау жөнінде жұмыстар жүргізіліп жатыр. Саяжайларға ауыл мәртебесін беру де осы жобада қамтылған. Яғни, ауыл статусын алу-берудің шарттары қаралып, жалпы коллегиямен шешілетін болады. Алдағы уақытта осындай жақсы жаңалықтарымызбен қуануымыз мүмкін, мәселелеріңізді шешуге аянбай тер төгудеміз. Ал, бүгінгі жиналыс Сіздер қоныстанып алған маусымдық мекендеріңізде орын алып жатқан қылмыстардың алдын алу», - деді аудан басшысы сөзін жалғап.