«Инновациялық технологиялар арқылы білім алушылардың креативті құзыреттілігін қалыптастыру» Н.Назарбаев: «Оқыту әдістемесі инновациялық, ал білім беру технологиясы креативті болуы тиіс» Қазақстан Республикасы Конституциясының қағидаларындағы жоғары білімді дамыту стратегиясы, Білім туралы заңға, ел Президенті Н.Ә.Назарбаевтың халыққа арнаған «Қазақстан - 2030» жолдауына негізделеді. Бұл құжаттарға сәйкес Қазақстан Республикасындағы жоғары білім беру мемлекеттің ұзақ мерзімдік бағдарламасы арқасында ерекше орынға ие болады. Бұл аталған құжаттарға сай бүгінгі таңдағы жоғары білімнің мақсаты мен басты стратегиялық бағдары - кәсіби шеберлігі мен біліктілігілі жоғары, дүниетанымдық көзқарасы мол, кәсіби құзыреттілігі қалыптасқан, шығармашылық ойлауға дағдыланған, іскерлік қабілеттілігі жетілген, адамгершілік қасиеттері жоғары білікті мамандардың жаңа ұрпағын даярлау.