«Бейбітшілік жасасын!»

(Көңілді музыкамен балалар  залға кіреді де орындықтардың жанына тұрады).

Жүргізуші: Сәлеметсіздер ме, құрметті қонақтар мен бүлдіршіндер! Біздің

Қазақстан Халықтарының бірлігі мен ынтымақтастық күніне орай өткізіліп отырған «Бейбітшілік жасасын!» атты ертеңгілігімізге қош келдіңіздер! Мерекелеріңіз құтты болсын!

Қазақстан дейтін менің бар елім,

Жатыр алып жарты дүние әлемін.

Бұл даланы көріп алғаш қуанғам,

Бұл далада өскен жанда жоқ арман.

Ән: «Ақ көгершін»

(балалар орындықтарға отырады)

(Осы уақытта музыка әуенімен өзбек, орыс ұлтының киімін киген балалар шығады)

Өзбек бала: Мен бастаймын

Орыс бала: Жоқ, мен бастаймын.

Өзбек бала: Жоқ, мен бастаймын дедім ғой, болды мен бастаймын.

(күй ойналады да, қазақ киімін киген бала шығады)

Қазақ бала: Ура! Ура! Ура! Таптым, мен таптым. Мен таптым.

Өзбек бала: Не таптың?

Орыс бала: Қайдан таптың?

Қазақ бала: Ойын таптым. Ойын.

Өзбек бала: Мен бірінші

Орыс бала: Жоқ мен бірінші

Қазақ бала: Не болған сендерге. Не үшін таласып жатсыңдар?

Өзбек бала: Біз мерекеге ойын дайындап әкелгенбіз.  Ең бірінші мен ойнатамын десем, бұл өзім өткізем дейді.

Орыс бала: Айттым ғой, саған. Мен бірінші өткізем деп.

Қазақ бала: Жоқ, олай болмайды. Сендер өздерің дауласып жүріп мереке болып жатқан жерге келгендеріңді ұмытып қалған жоқсыңдар ма? Балалармен, қонақтармен амандастыңдар ма?

Екеуі бірге: Біз байқаған жоқпыз.

Ассалаумалейкум.

Жүргізуші: Сәлеметсіздер ме? Біз көп уақыт болды сіздерге қарап тұрмыз. Дауласып болдыңыздар ма?

Қазақ бала: Ия, кешіріңіздер (дей бергенде)

Екеуі (таласып): Мен бірінші ойнатамын, мен мен....

Қазақ бала: Достар, сендерге не болған?

Мұнда қонақтар бар, балалар бар.  Қане, таласуды қояйық. Бүгін бізде мереке ғой. Солай ма, балалар?

Балалар: Солай.

Қазақ бала: Бүгін достық, бейбітшілік мерекесі. Бұл мерекеде ренжісуге болмайды. Қазақ халқында жақсы мақал бар: «Бейбітшілік іздесең – дос ізде» деген.

Қане, қойыңдар ренжісуді, одан да келісіп балалармен ойын ойнайық.

Жүргізуші: Ия, дұрыс айтасың. Бүгінгі мерекеде бізге ойын алып келген екенсіздер, ал біз сіздерге би дайындап қойдық. Бізбен бірге мерекені тойлатып, билеңіздер!

Балалар, сендер үнді халқы жөнінде естіп пе едіңдер?Үнді  халқы өте көңілді халық, олар ән айтып, би билегенді жақсы көреді. Сондықтан біздің қыздарымыз үнді халқының биін билеп берсін.  Қане, қыздар, би билеп берейік.

Үнді биі: «Money – money»

Өзбек бала: Балалар, сендер үнді халқының өнерін жақсы біледі екенсіңдер. Ал, өзбек халқы жөнінде естулерің бар ма? Қазір, мен сендерге ойын үйретемін. Ойнайсыңдар ма?

Балалар: Ия, ойнаймыз.

Ойын: «Икки киши бир чопонда»  «Екі кісі бір шапанда»

Ойын шарты: Балалар 2 командаға бөлінеді. 2-3 метр арақашықтықта бағдар тұр, оны айналып өту керек. Әр командада бір шапаннан. Ойынның мәні мынада, әрбір командадағы балалар екі-екіден жүгіруі керек: бір шапанмен, екі жеңін де қолдарына киіп.

Жүргізуші: Рахмет, саған өзбек баласы. Бізге ойын үйреткеніңе.

Олай болса, біздің балалармен бірге әнге қосылыңдар.

Ән: «Дос болайық бәріміз»

Орыс бала: Жарайсыңдар, балалар. Өздерің қандай өнерлісіңдер.

Қазақ бала: Балалар, сендер әнді де, биді де, ойынды да жақсы ойнайды екенсіңдер.

Жүргізуші: Ия, біздің балалар, сондай өнерлі. Олар әр ұлттың ойынымен, әнімен қоса, билерін де жақсы біледі. Тамашалаңыздар! Испан халқының биі.

Би: «Испан»

Өзбек бала: Ой-ой-ой! Мына балалар тіпті бізден артық біледі ғой.

Орыс бала: Ия, достар. Сендер сондай ақылды, өнерлі балалар екенсіңдер.

Қазақ бала: Балалар, сіздер әр ұлттың ойындарын ойнадыңдар, ал енді менімен бірге қазақ халқының ұлттық  «Тақия тастамақ» ойынын ойнайсыңдар ма?

Балалар: Ия, ойнаймыз.

Ойын: «Тақия тастамақ»

Қазақ бала: Жарайсыңдар, балалар!

Жүргізуші: Ал, енді бәріміз бірге ән салайық.

Ән: «Әрқашан күн сөнбесін!»

Өзбек бала: Балалар, сендер өте жақсы балалар екенсіңдер. Бізді мерекеге шақырғандарыңа көөөп рахмет!

Орыс бала: Ия, балалар, біз сендер сияқты дос тапқанымызға қуаныштымыз. Сендер сияқты достарымыз барына қуанамыз. Бізді мерекеге шақырғандарың үшін, бізбен дос болғандарың үшін мына сыйлықты сендерге  алып келдік. Қабыл алыңдар! (сыйлық таратылады)

Өзбек бала: Қазақ халқының: «Бейбітшілік іздесең – дос ізде» деген мақалы бекер айтылмағанын енді түсіндік.

Жүргізуші: Рахмет, достар! Біздің мерекемізге қатысып, бізбен дос болғандарыңызға рахмет!

      Ал, енді балалар, бәріміз бір шаңырақ астында тұрамыз, мейлі орыс бол, мейлі өзбек бол, мейлі басқа ұлт өкілі бол, бәріміз Қазақстан жерінде тұрамыз. Сондықтан, «Қазақстан» әнін орындайықшы.

Құрметті қонақтар! Осымен біздің «Бейбітшілік жасасын!» атты ертеңгілігіміз аяқталды. Көңіл  қойып тыңдағандарыңызға рахмет!