Тақырыбы: Биология пәнін оқытуда Кембридж тәсілінің тиімділігі

Шебер-класс мақсаты:

Сабақтарда Кембридж  әдісін қолдану арқылы оқушыларды сыни ойлауға  және  проблема қойып, оған  жету жолдарына байланысты ақпаратпен  бөлісу, тәжірибемен   алмасу.

Сабақтың тақырыбы:

«Гүл-ғажайып дүние»

/шебер-класс жоспары/

Мақсаты:

1. Оқушыға кез келген құбылыс пен заттарға, әрекет пен мазмұнға сын тұрғысынан қарап, көптеген пікірдің ішінен біреуін таңдауға саналы шешім қабылдауға үйрету.  

2.АКТ мүмкіндіктерін орынды пайдалану жолдарын көрсете отырып, оқушылардың шығармашылығын, іздемпаздығын, сыни тұрғыда ойлау қабілеттерін қалыптастыра дамытуға бағытталған педагогикалық стиль қолдану тәсілін ұсыну.

3. Қоршаған ортаны сүюге,  қадірлеп, қастерлей  білуге, ұлттық құндылықтарды ұлықтауға, әр күнгі білімін қоғамының көзқарасымен сабақтастыра білуге баулу.

 Шеберлік сынып құрылымы:

Кіріспе сөз

 - Сәлеметсіздер ме, құрметті қонақтар және әріптестер! Қазіргі таңда ақпараттық құралдар мүмкіндіктерімен байытатын қоғамда өмір сүріп жатырмыз.

Бүгінгі күні  биология  сабақтарында Кембридж тәсілін пайдалана отырып оқушылардың ақпараттық комминикативтік құзыреттілігін дамыту мақсатында сабақтарды түрлендіру және кіріктіре өткізу жиі өткізілуде. Бүгінде сондай сабақтың бір үлгісін алдарыңызға ұсынып отырмын.

Сабақтың барысы:

І.Ұйымдастыру. /10 мин/

1.Тренинг өткізу арқылы топқа бөлу.

/гүлдердің суреттері арқылы топтастырылады /

Гүлдер арқылы бүгінгі сабағымыздың тақырыбын шығарамыз.

Гүлге теңестіріп бір-бірімізге тілек айтайық. /Өмірін гүлдей құлпырсың, қадамыңа гүл бітсін т.с.с./

ІІ. Негізгі бөлім.  /20 мин/

Гүл-ғажайып дүние

- Табиғат бүкіл тіршілік атаулының құтты қоныс мекені, алтын ұя бесігі. Ал, адам үшін табиғат ең қасиетті де қастерлі ұғым. Қазақ халқының бар өмірі табиғат пен тікелей байланысты өтіп келеді. Сұлу табиғатты көзбен көріп, жаныңмен сезіп, сол қалпында сүйе білу қандай ләззат.