Оқудың негізгі қызметі – білім алу. Ал бұл функцияны жүзеге асыратын бірден бір орын – мектеп. Мектептегі білім беру оқу стандарттары мен білім мазмұнына тікелей бағытталған. Білім беру ғана педагогтар мен оқушылардың дайындық деңгейінің жоғары сапасын көрсететін іс-әрекет болып табылады. Білім беру барысында оқушының жеке жетістікке қол жеткізуі педагогтардың оқу үдерісіне сай оқу – танымдық іс – әрекетін  ұйымдастыра білу шеберлігімен тікелей байланысты. Орта білім беретін барлық білім мекемелерінің педагогтары өз іс-тәжірибесінде тексерілген, сынақтан өткен әдістер мен технологияларды қолданумен қатар өзінің көкейіндегі туындысын да жүзеге асыруға тырысып бағады. Дегенмен, жаңа әдістерді бұқараға қолданысқа ұсынбас бұрын, оның өміршеңдігін тексеру міндетті, яғни, оқу барысында білім алушылардың жеке жетістікке жетуіне ықпалын бағалау басты міндет.