Қоғамның қалыпты даму жағдайында өскелең ұрпақты тәрбиелеуде әр түрлі проблемалар туындайды. Адамзатты оқытып-тәрбиелеу – күрделі міндет. Оқу – адамның психикалық дамуының формасы, элементі. Кез келген оқыту белгілі бір мөлшерде адамды дамытады. «Даму» ұғымы сөздікте «… мөлшерлік өзгерістердің белгілі бір өлшем шегінен шығып, сапалық өзгерістерге айналуы» деп түсіріледі. «Даму» ұғымының психологиялық анықтамасы – жаңарту үдерісі, жаңаның өмірге келіп, ескінің жоғалуы деген мағынаны береді. Барлық табиғат қубылыстары сияқты бала психикасы да үнемі диалектикалық жолмен дамып, өзгеріп, бір деңгейден екінші деңгейге өтіп отырады. Бүгінгі күнде оқыту технологиясының қарқынды дамуына байланысты көптеген бағыттардың пайда болуы оларды психологиялық, педагогикалық тұрғыдан саралауды қажет етеді.