Бу фәнни-тикшеренү эшенең максаты: 1.Күренекле драматург Туфан Миңнуллин иҗаты  турында төрле чыганаклардан файдаланып, мөмкин кадәр күбрәк материал туплау һәм өйрәнү. 2.Драматург Туфан Миңнуллин иҗатында милләт язмышы чагылышын  ассызыклап күрсәтү. 3.Милләт язмышы өчен көрәшүче драматург Туфан Миңнуллинны  безнең буынга һәрьяклап үрнәк итеп кую, иҗатына мәхәббәт тәрбияләү. Аның     бурычы: Туфан Миңнуллин иҗатына караган материалларны картотекада туплау. Бу тикшеренү эшенә әзерләнгәндә, бик  күп китаплар, газета-журнал материалларына мөрәҗәгать иттем. Мин сайлаган тема бик  актуаль дип саныйм, чөнки Т.Миңнуллин милләтнең бөтенлеген саклау – бүген безнең төп бурычларыбызның берсе икәнлеген аңлата, татарның милли йөзен саклап калу өчен көрәш юлларын тасвирлый, милләтебез язмышына битараф булмаска өнди.