Аңлатма язуыМин 5нче сыйныфның татар группалары өчен әлеге теманы сыйныфтан тыш уку дәресе итеп сайладым. Әлеге әсәр тәрбияви яктан бик зур әһәмияткә ия. Бүгенге көндә балаларыбызга әхлак тәрбиясе бирү иң мөһим проблемаларның берсе булып кала бирә. Бу әсәрне укып, укучы үзлегеннән начарны яхшыдан аерырга  өйрәнә һәм үзендә начар сыйфатларны булдырмау теләген уята. Шулай ук әти-әни сүзен тыңлау, аларга карата ихтирам хисләре, әти-әнине олылау, кадерләү кебек күркәм сыйфатлар бала күңелендә урын ала. Әсәрдә язучы, гади генә итеп, баладан начар эше өчен (ялган сүз) гафу үтендерә, ә гафу үтенә белү – бик кирәкле сыйфат.           Бу дәрестә укчыларның фикерләү, уйлап җавап бирү кебек сәләтләре ныгый, сәнгатьле уку күнекмәләре формалаша.