Түсінік хат         Бұл құрал оқыту орыс тілінде жүретін мектептердің қазақ тілі пәні мұғалімдеріне арналған.         Жинақтағы сызбалар,трек-схемалар оқушылардың жас ерекшелігін ескере отырып, бағдарлама бойынша өтілген лексика-грамматикалық тақырыптарға сай құрастырылған. Мұндай тапсырмалардың берілу мақсаты – оқушылардың мемлекеттік тілден алған теориялық білім дәрежелерін айқындауға, тілдік ерекшеліктерді еркінірек меңгеруге, нығайтуға және жетілдіруге, коммуникативтік біліктілігін арттыру арқылы қазақ тілін сөз мәдениеті талаптарына сай деңгейде дұрыс қолдана білуге жетелеу. Сонымен қатар жинақ оқушылардың қазақ тілі грамматикасынан өткен материалдарды қайталап, олардан алған білімдерін нақтылап, сауаттылықтарын арттыру мақсатын да көздейді.  Бұл көмекші құрал оқу орыс тілінде жүретін жалпы орта білім беретін мектептердің 6 сыныптарына арналған бағдарлама негізінде құрастырылды. Негізгі мақсаты-оқушылардың қазақ тілінен алған теориялық білімдерін нығайту, кеңейту және олардың коммуникативтік біліктілігін арттыру арқылы қазақ тілін сөз мәдениеті талаптарына сай деңгейде дұрыс қолдана білуге жетелеу. Бұл құрал тілдің грамматикалық белгілері мен ерекшеліктерінің сырын,оның әлеуметтік мәнін ашып,тіл мәдениетін арттыру, шығармашылық ізденіс, іскерлік дағды қалыптастыруға септігін тигізеді деген талаппен жасалды.Осы құралды тереңдетіп оқытатын сыныптар үшін де пайдалануға болад Ұсынылып отырған  бұл  презентациялар жинағы жалпы білім беретін мектептің 6 сыныбына арналған. Мемлекеттік білім стандартын сақтайды. Оқушыларға ұсынылған тапсырмалардың бәрі шығармалардан, кітаптардан, журналдардан үзінділері алынып, икемделіп жазылған. Оқулықтағы тапсырмалары сақтала отырып,  көмекші құралда жалғастырылады.  Оқулықта берілген тапсырмаларды толықтырады да үндес келеді.