8 Наурыз халықаралық аналар мерекесіне арналған сыныптан тыс мерекелік іс-шараның сценарийі.      Кештің барысы: Қонақтарды кешке шақыру, оларды қарсы алу, тілек білдіру, өнер көрсету, құттықтау сөздер, қорытынды сөз, жалпы қорытынды жасау.   Жүргізуші: Қазақтың дәстүрі кең әрі ауқымды. Бүгінгі тақырыпқа тұздық болып отырған ауылдағы асыл аналарымыз, әжелеріміз, мектеп ардагерлері. Су сұраса, сүт берген, айран берген, Қартайып қалыпсың-ау қайран жеңгем-деп ақындардың жырына арқау болған, қазақ халқының қасиетті сөздерін бойына сіңіріп, салт-дәстүр мен әдет-ғұрпын сақтаған, келінге тән ізеттілік пен ибалылықтың қаймағын бұзбаған, қазіргі таңда ауылымыздың өнегелі ұл-қыздарын тәрбиелеп отырған аналарымызды ортаға шақырамыз.